कल्याण : कल्याण पश्चिमेतील साई हाँल वायलेनगर येथे शिवसेना शिंदे गटाच्या इच्छुक उमेदवाराच्या मुलाखती शिवसेना उपनेते प्रकाश पाटील, शिवसेना जिल्हा प्रमुख गोपाळ लांडगे, शिवसेना उपजिल्हाप्रमुख राजेश कदम, पदाधिकारी सुनील चौधरी आदी शिष्टमंडळाने शनिवारी घेतल्या.
यावेळी शिवसेना जिल्हा प्रमुख गोपाळ लांडगे यांनी सांगितले की, कल्याण डोंबिवली महानगरपालिका निवडणूक २०२६ या अनुषंगाने प्रत्येक पक्ष आपल्या पक्षातील इच्छुक उमेवारांच्या मुलखती घेत असतात. त्या मुलाखती मधून जे इच्छुक असतात, जे निवडून येण्यासाठी योग्य असतात, ते काम मुलाखती माध्यमातून सोपे होते. कल्याण पश्चिमेत १० पँनल असून १६६ इच्छुकांनी अर्ज भरले होते. त्यांच्या आज मुलाखत माध्यमातून, तसेच इच्छुकांचा आत्मविश्वास पाहता उपमुख्यमंत्री एकनाथ शिंदे यांच्या माध्यमातून झालेले काम पाहता शिवसेनेचे जास्त उमेदवार निवडून येतील असे सांगितले.
तर पक्षात बाहेरून आलेल्या पक्षाच्या इच्छुक उमेदवारांमुळे शाखा प्रमुख, गट प्रमुख कार्यकर्ते नाराज असल्याचे विचारले असता, ही प्रक्रिया पूर्वी पासून सुरू आहे. निवडणूकी मध्ये कोण किती वर्षापासून काम करतोय, किंवा त्यांची योग्यता आहे का नाही, पंरतु निवडून येण्याच्या दृष्टीकोनातून कार्यकर्ता चांगलाच असतो. २० ते २५ वर्षे पासून जे काम करतात त्यांना न्याय मिळाला पाहिजे, पंरतु या पँनल पध्दतीमध्ये निवडून येणे अत्यंत आवश्यक आहे, त्या बाबतीत विचार केला जातो. उमेदवारी बाबत उपमुख्यमंत्री एकनाथ शिंदे आणि खासदार श्रीकांत शिंदे अंतिम निर्यण घेतील असेही गोपाळ लांडगे यांनी स्पष्ट केले.
