नवी दिल्ली : निवडणूक आयोगाने आज, शुक्रवार सांगितले कि, उपराष्ट्रपती पदासाठी निवडणूक येत्या ९ सप्टेंबरला होणार आहे. माजी उपराष्ट्रपती जगदीप धनखड यांनी २१ जुलै रोजी अचानक आपल्या पदाचा राजीनामा दिल्याने हे पद रिक्त झालं आहे. निवडणूक आयोगाने जारी केलेल्या अधिसूचनेनुसार, ७ ऑगस्टपासून २१ ऑगस्टपर्यंत नामांकन दाखल करता येईल. त्यानंतर ९ सप्टेंबर रोजी सकाळी १० वाजल्यापासून सायंकाळी ५ वाजेपर्यंत मतदान होईल. निवडणूक आयोगाने जारी केलेल्या अधिसूचनेनुसार, निवडणूक आयोगाने उपराष्ट्रपती पदाच्या निवडणुकीचा संपूर्ण कार्यक्रम जाहीर केला आहे. त्यानुसार, ७ ऑगस्ट रोजी अधिसूचना जारी केली जाईल, तर २१ ऑगस्ट ही नामांकन भरण्याची अंतिम तारीख असेल. २२ ऑगस्टपर्यंत नामांकन पत्रांची छाननी केली जाईल. उमेदवार २५ ऑगस्टपर्यंत आपले नाव मागे घेऊ शकतील. ९ सप्टेंबर रोजी निवडणूक होईल आणि त्याच संध्याकाळी मतमोजणी होऊन निकालही जाहीर केला जाईल.
भारतामध्ये उपराष्ट्रपतीची निवडणूक संसदेतून केली जाते. उपराष्ट्रपतीपदाच्या निवडणुकीसाठी लोकसभा आणि राज्यसभा या संसदेतील दोन्ही सभागृहातील सदस्य हे मतदार असतात. ही निवडणूक गुप्त मतदानाच्या माध्यमातून होते आणि उपराष्ट्रपती निवडण्यासाठी एकूण खासदारसंख्येच्या बहुमताची गरज असते. एक महत्त्वाची बाब म्हणजे ही निवडणूक पोस्टल-बॅलट (मजकूर मतपत्र) द्वारे होते. सद्यस्थितीत दोन्ही सभागृहांमध्ये भाजपाच्या नेतृत्वाखालील एनडीएकडे बहुमत आहे. त्यामुळे ही निवडणूक सत्ताधारी एनडीएसाठी फारशी अवघड जाण्याची शक्यता कमी आहे. अशा परिस्थितीत आता सत्ताधारी भाजपाकडून उपराष्ट्रपतीपदासाठी कुणाला उमेदवारी दिली जाते हे पाहणं औत्सुक्याचं ठरणार आहे.
