मुंबई : मुंबईतील मोनोरेल सेवा शनिवारपासून तात्पुरती बंद करण्यात आली आहे. मुंबई महानगर प्रदेश विकास प्राधिकरण (एमएमआरडीए) कडून ही सेवा बंद करण्याचा निर्णय तांत्रिक अडचणी, प्रवाशांच्या सुरक्षेची गरज आणि परिवहन व्यवस्थेतील सुधारणा लक्षात घेऊन घेण्यात आला आहे.मात्र, या निर्णयामुळे प्रवाशांमध्ये तीव्र नाराजी व्यक्त होत आहे. अनेक प्रवाशांना आता बससेवांवर अवलंबून राहावं लागत असून, बस वेळेवर न मिळाल्यामुळे त्यांच्या अडचणी वाढल्या आहेत.
मुंबईच्या दादर येथील विठ्ठल मंदिर मोनोरेल स्थानकात प्रवाशांनी त्यांच्या अडचणी मांडल्या. एका प्रवाशाने समाचार एजेंसीशी बोलताना सांगितले, “मोनोरेल बंद झाल्यामुळे आमच्या समस्या वाढल्या आहेत. ही सेवा एक सोपी आणि जलद प्रवासाची साधन होती. आता मात्र वेळेवर न मिळणाऱ्या बसांवर अवलंबून राहावं लागतंय.दुसऱ्या प्रवाशाने सांगितलं, “मोनोरेलमुळे आम्ही लवकर कामावर पोहोचायचो आणि ट्रॅफिकची झळही बसायची नाही. आता बसने प्रवास करावा लागत असून तो वेळखाऊ आणि त्रासदायक झाला आहे.एमएमआरडीएच्या मते, मोनोरेलमध्ये सातत्याने येणाऱ्या तांत्रिक बिघाडांमुळे प्रवाशांच्या सुरक्षेला प्राधान्य देऊन ही सेवा तात्पुरती बंद करण्यात आली आहे. यासोबतच, मोठ्या प्रमाणात देखभाल आणि सुधारणा कामे सुरू करण्याची योजना आखण्यात आली आहे.यापूर्वीदेखील तांत्रिक बिघाडांमुळे प्रवाशांना सुरक्षित स्थळी हलवण्यात आले होते. गेल्या काही आठवड्यांत वारंवार अडचणी आल्यामुळे एमएमआरडीएने विशेष चौकशी समिती स्थापन केली होती.
मिळालेल्या माहितीनुसार, मुंबई मोनोरेलमध्ये हैदराबादमध्ये विकसित झालेली स्वदेशी सीबीटीसी सिग्नलिंग प्रणाली प्रथमच बसवली जात आहे. आतापर्यंत 5 इलेक्ट्रॉनिक इंटरलॉकिंग यंत्रणा 32 ठिकाणी बसवण्यात आल्या असून, त्यांची चाचणी सुरू आहे.याशिवाय, २६० वाय-फाय अॅक्सेस पॉइंट्स, ५०० आरएफआयडी टॅग्स, ९० ट्रेन डिटेक्शन यंत्रणा आणि अनेक डब्ल्यूएटीसी युनिट्स आधीच कार्यरत आहेत. वे-साइड सिग्नलिंगचे काम पूर्ण झाले असून, आता एकत्रित चाचणी प्रक्रिया सुरू आहे.प्रवाशांनी मोनोरेल सेवा लवकरात लवकर पुन्हा सुरू करण्याची मागणी केली आहे, कारण ही सेवा मुंबईच्या गर्दीच्या ट्रॅफिकमधील एक सुलभ आणि किफायतशीर पर्याय होती. मात्र, एमएमआरडीएने सेवा पुन्हा सुरू होण्याबाबत कोणतीही निश्चित तारीख जाहीर केलेली नाही.
