नवी दिल्ली : महिला आणि बाल विकास राज्यमंत्री सावित्री ठाकूर संयुक्त राष्ट्राच्या मुख्यालयात होणाऱ्या सामाजिक विकास आयोगाच्या ६४ व्या सत्रात भारतीय प्रतिनिधीमंडळाचे नेतृत्व करण्यासाठी न्यूयॉर्कला भेट देणार आहेत. सामाजिक विकास आयोग, जे संयुक्त राष्ट्रांच्या आर्थिक आणि सामाजिक परिषदेचा कार्यात्मक आयोग आहे, सामाजिक समावेशन, समानता आणि कल्याण-केंद्रित धोरणांवर आंतरराष्ट्रीय सहकार्य वृद्धिंगत करण्यावर लक्ष केंद्रित करते. हे वार्षिक सत्र सदस्य राष्ट्रांना प्रगतीचा आढावा घेण्याचे, अनुभव सामायिक करण्याचे आणि सर्वोत्तम पद्धतींचे आदानप्रदान करण्याचे जागतिक व्यासपीठ प्रदान करते.
भारताचा 64व्या सत्रातील सहभाग सामाजिक विकासावरील बहुपक्षीय प्रयत्नांमध्ये भारताच्या सातत्यपूर्ण योगदानाचे आणि जागतिक सामाजिक धोरणांच्या प्राधान्यांवर रचनात्मक संवादातील वचनबद्धतेचे प्रतीक आहे. या भेटीद्वारे, संयुक्त राष्ट्रांच्या विविध संस्था आणि इतर सदस्य राष्ट्रांच्या प्रतिनिधींशी सामाजिक विकासाशी संबंधित मुद्द्यांवर संवाद साधण्याची संधी मिळणार आहे.
