नवी दिल्ली : अर्थव्यवस्थेसाठी “सुरक्षा कवच” मानल्या जाणाऱ्या परकीय चलन साठ्यात घट झाली आहे. ६ फेब्रुवारी रोजी संपलेल्या आठवड्यात देशाच्या परकीय चलन साठ्यात ६.७१ अब्ज डॉलर्सची घट होऊन ७१७.०६ अब्ज डॉलर्सवर आला आहे. मागील आठवड्यात, साठा १४.३६ अब्ज डॉलर्सने वाढून ७२३.७७ अब्ज डॉलर्सचा विक्रमी उच्चांक गाठला होता.
भारतीय रिझर्व्ह बँकेने (आरबीआय) शुक्रवारी आकडेवारी जाहीर केली, ज्यामध्ये म्हटले आहे की परकीय चलन साठ्याचा एक प्रमुख घटक असलेली परकीय चलन मालमत्ता ६ फेब्रुवारी रोजी संपलेल्या आठवड्यात ७.६६ अब्ज डॉलर्सने वाढून ५७०.०५ अब्ज डॉलर्सवर पोहोचली आहे. रिझर्व्ह बँकेच्या मते, या कालावधीत सोन्याच्या साठ्याचे मूल्य १४.२१ अब्ज डॉलर्सने कमी होऊन १२३.४७ अब्ज डॉलर्सवर पोहोचले आहे. आकडेवारीनुसार, या कालावधीत विशेष रेखांकन हक्क (एसडीआर) १३.२ कोटी डॉलर्सने कमी होऊन १८.८२ अब्ज डॉलर्स झाले. आरबीआय नुसार, ६ फेब्रुवारी रोजी संपलेल्या आठवड्यात आंतरराष्ट्रीय नाणेनिधी (आयएमएफ) कडे भारताचा राखीव निधी देखील ३२ दशलक्ष डॉलर्सने कमी होऊन ४.७१ अब्ज डॉलर्स झाला.
