वाढती मागणी लक्षात घेऊन उभारण्यात आलेले हे बिझनेस हॉटेल अमरावतीत स्केल, कनेक्टिव्हिटी आणि आधुनिक आतिथ्यसेवेचे उत्तम मिश्रण सादर करते.
अमरावती : भारतातील उदयोन्मुख शहरांमध्ये आपला विस्तार अधिक मजबूत करत सयाजी हॉटेल्सने ‘एनराईज बाय सयाजी, अमरावती’ या आधुनिक आतिथ्य प्रकल्पाच्या उद्घाटनाची घोषणा केली आहे. शहराच्या सामाजिक व व्यावसायिक क्षेत्राला नवे परिमाण देण्यासाठी डिझाइन करण्यात आलेले हे हॉटेल एनएच – 6, नागपूर महामार्गावर रणनीतिकदृष्ट्या वसलेले आहे. आधुनिक डिझाइन, प्रशस्त इव्हेंट स्पेस आणि दर्जेदार सेवा यांचा संगम साधत हे हॉटेल विदर्भातील आतिथ्य क्षेत्रात नवा मापदंड स्थापित करणार आहे.
समृद्ध सांस्कृतिक वारसा, धार्मिक महत्त्व आणि शैक्षणिक तसेच व्यावसायिक केंद्र म्हणून वाढती ओळख असलेले अमरावती शहर महाराष्ट्रातील एक महत्त्वाचे उदयोन्मुख ठिकाण बनत आहे. नागपूरच्या नजीक आणि सुलभ रस्ते व रेल्वे संपर्कामुळे येथे व्यावसायिक प्रवास आणि मोठ्या सामाजिक कार्यक्रमांची संख्या वाढत असून, ‘एनराईज बाय सायाजी’साठी हे स्थान अत्यंत योग्य ठरते.
८२ सुसज्ज खोल्यांसह ‘एनराईज अमरावती’ येथे ग्रांड, ग्रांड ट्विन, एक्झिक्युटिव्ह ग्रांड आणि प्रीमियम ग्रांड अशा विविध श्रेणीतील खोल्यांमध्ये व्यवसायिक तसेच पर्यटनासाठी येणाऱ्या पाहुण्यांसाठी आरामदायी व उत्कृष्ट निवासाची सुविधा उपलब्ध आहे.
या हॉटेलचे एक विशेष वैशिष्ट्य म्हणजे त्याची विस्तृत बँक्वेट आणि इव्हेंट सुविधा, ज्यामुळे हे ठिकाण परिसरातील सर्वात मोठ्या इव्हेंट डेस्टिनेशनपैकी एक ठरते. ‘महल’,‘ज्वेल’ आणि ‘सॉलिटेअर’ यांसारख्या भव्य इनडोअर हॉल्ससह ‘वृंदावन’ आणि ‘वाटिका’ यांसारख्या प्रशस्त आउटडोअर जागा तसेच विवाह सोहळे व सांस्कृतिक कार्यक्रमांसाठी खास अॅम्फीथिएटर येथे उपलब्ध आहे. २,००० पाहुण्यांपर्यंत क्षमतेमुळे हे हॉटेल लग्नसमारंभ, कॉर्पोरेट परिषद आणि मोठ्या कार्यक्रमांसाठी आदर्श ठिकाण ठरणार आहे.
हॉटेलमधील ‘मोमेंट’ हे ऑल-डे डायनिंग रेस्टॉरंट विविध बहुराष्ट्रीय खाद्यपदार्थांचे विकल्प सादर करत, पाहुण्यांना दर्जेदार आणि आकर्षक वातावरणात जेवणाचा आनंद देते.
या उद्घाटनाबाबत सयाजी हॉटेल्सचे ऑपरेशन्स डायरेक्टर श्री. अजय कनोजिया म्हणाले, “एनराईज बाय सयाजीद्वारे आम्ही वेगाने विकसित होत असलेल्या शहरांमध्ये उत्कृष्ट आणि विचारपूर्वक डिझाइन केलेले आतिथ्य अनुभव देण्याचा आमचा हेतू आहे. अमरावती हे प्रचंड क्षमता असलेले बाजारपेठ असून, या प्रकल्पाद्वारे आम्ही दर्जा, प्रमाण आणि सातत्यपूर्ण सेवा देण्याच्या आमच्या वचनबद्धतेची पूर्तता करत आहोत.”
स्वप्नील सोनी, संचालक मणिरत्न ग्रुप एलएलपी, म्हणाले, “सयाजी हॉटेल्ससोबत भागीदारी करत अमरावतीत एक महत्त्वपूर्ण आतिथ्य प्रकल्प साकारताना आम्हाला आनंद होत आहे. शहरातील मोठ्या क्षणांचे सेलिब्रेशन—लग्नसमारंभ, सामाजिक कार्यक्रम—यासाठी तसेच आधुनिक प्रवाशांच्या गरजा पूर्ण करण्यासाठी हे हॉटेल एक आदर्श ठिकाण ठरेल.”
रणनीतिक स्थान, प्रशस्त सुविधा आणि सयाजी हॉटेल्सच्या खास आतिथ्यामुळे ‘एनराईज बाय सयाजी, अमरावती’ हे पर्यटक आणि स्थानिकांसाठी एक महत्त्वाचे आकर्षण ठरणार असून, आराम, दर्जा आणि अविस्मरणीय अनुभव एकाच छताखाली उपलब्ध करून देणार आहे.
