नवी दिल्ली : नवी दिल्लीतील द्वारका येथील सेंट थॉमस स्कूल आणि वसंत व्हॅली स्कूलमध्ये ईमेलद्वारे बॉम्बने उडवण्याची धमकी मिळाली आहे. माहिती मिळताच पोलीस घटनास्थळी पोहोचले. पोलीस तपास करत आहेत. अद्याप कोणतीही संशयास्पद वस्तू आढळलेली नाही. द्वारका येथील सेंट थॉमस स्कूल आणि वसंत कुंज परिसरातील वसंत व्हॅली स्कूलमध्ये धमकी मिळाल्यानंतर दिल्ली पोलीस, बॉम्ब स्क्वॉड, डॉग स्क्वॉड आणि सायबर एक्सपर्ट घटनास्थळी पोहोचले. सुरक्षेच्या कारणास्तव दोन्ही शाळा रिकामी करण्यात आल्या आहेत.
नेव्ही चिल्ड्रन स्कूल आणि सीआरपीएफ स्कूलला बॉम्ब धोक्यांची चौकशी सुरू असताना मंगळवारी डीयूच्या सेंट स्टीफन्स कॉलेज आणि छावलाच्या सेंट थॉमस स्कूलला ईमेल पाठवण्यात आले. कोणीतरी ईमेल पाठवून शाळेत आरडीएक्स आणि आयईडी ठेवण्यात आल्याची माहिती दिली. ईमेल पाहिल्याबरोबर शाळा आणि महाविद्यालयाने तात्काळ पोलिसांना कळवले. माहिती मिळताच पोलिसांनी शाळा आणि महाविद्यालय परिसर रिकामा केला आणि कसून शोध मोहीम राबवली. तथापि, पथकाला तेथे काहीही आढळले नाही.
सखोल चौकशीनंतर पोलिसांनी ही अफवा असल्याचे घोषित केले. स्थानिक पोलीस आणि सायबर तज्ञांच्या मदतीने ईमेल पाठवणाऱ्या आरोपीपर्यंत पोहोचण्याचा प्रयत्न करत आहेत. २०२४ मध्ये, दिल्ली-एनसीआरमधील अनेक शाळा आणि रुग्णालये उडवून देण्याची धमकी देणारे असेच ईमेल आले होते. त्या प्रकरणांची चौकशी अजूनही सुरू आहे. ईमेल करणारे प्रॉक्सी सर्व्हर वापरून असे ईमेल पाठवत आहेत. शाळा प्रशासनाच्या म्हणण्यानुसार, कोणीतरी ईमेलद्वारे कळवले आहे की, कॉलेजच्या ग्रंथालयात ४ आयईडी बॉम्ब आणि २ आरडीएक्स बॉम्ब ठेवण्यात आले आहेत. बरोबर २ वाजता याचे स्फोट होतील.
