कोल्हापूर : सिक्युरिटीज अँड एक्स्चेंज बोर्ड ऑफ इंडिया (SEBI) आणि इंटरनॅशनल ऑर्गनायझेशन ऑफ सिक्युरिटीज कमिशन्स (IOSCO) यांच्या संयुक्त विद्यमाने सीडीएसएल इन्व्हेस्टर प्रोटेक्शन फंडने (CDSL IPF) जागतिक गुंतवणूक सप्ताह 2025 (WIW) साजरा केला. या अंतर्गत ‘सवाल करो, स्कॅम्स को स्लॅम करो’ हा उपक्रम राबवण्यात आला.
जागतिक गुंतवणूकदार सप्ताहाचा एक भाग म्हणून, CDSL IPF ने सुरक्षित गुंतवणूक तसेच फसवणूक आणि घोटाळे रोखण्यासाठी जागरूकता निर्माण व्हावी यासाठी सायकल रॅलीचे आयोजन केले होते. या उपक्रमाचा एक भाग म्हणून कोल्हापूर येथील डी.सी.नरके वरिष्ठ महाविद्यालयात सायकल रॅली काढण्यात आली.
गुंतवणूकदारांना प्रश्न विचारण्यासाठी प्रवृत्त करणे, पूर्णपणे अपडेट राहण्यासाठी तसेच आर्थिक फसवणूक आणि घोटाळ्यांपासून स्वतःचे संरक्षण करण्याचा आत्मविश्वास निर्माण करण्यासाठी CDSL IPF ने अनेक उपक्रम या अंतर्गत सुरू केले आहेत.
श्री. सुधीश पिल्लई, प्रमुख, सीडीएसएल आयपीएफ सेक्रेटेरियट म्हणाले, “आमच्या ‘सवाल करो, घोटाळे को स्लॅम करो’ मोहिमेद्वारे, आम्ही गुंतवणूकदारांना प्रश्न विचारण्यास, पडताळणी आणि हुशारीने गुंतवणूक करण्यास प्रेरित करतो. हा उपक्रम गुंतवणूकदारांना योग्य प्रश्न विचारण्यास आणि स्पष्टता मिळवण्यासाठी प्रोत्साहित करतो. तरुणांचा सहभाग, आर्थिक फसवणूक आणि घोटाळ्यांबाबत जागरूकता वाढवणे हे खऱ्या अर्थाने आत्मनिर्भर गुंतवणूकदार बनण्याची आणि भारताच्या विकास कथेत आत्मविश्वासाने सहभागी होण्याच्या दिशेने टाकलेले पहिले पाऊल आहे. या सायकल रॅलीच्या माध्यमातून आम्ही यासाठी प्रयत्नशील आहोत.”
सोमवार, 06 ऑक्टोबर ते रविवार, 12 ऑक्टोबर 2025 या कालावधीत भारतात जागतिक गुंतवणूक सप्ताह साजरा केला जात आहे. सिक्युरिटीज अँड एक्स्चेंज बोर्ड ऑफ इंडिया (SEBI) या उपक्रमासाठी राष्ट्रीय समन्वयक आहे.
