जम्मू काश्मीर : पूंछच्या कसालियन भागात सुरक्षा दल आणि दहशतवाद्यांमध्ये झालेल्या भीषण चकमकीत लष्कर-ए-तोयबाचे दोन दहशतवादी ठार झाल्याची माहिती आहे. दोन्ही दहशतवादी काल रात्री सीमा ओलांडून भारतीय हद्दीत घुसले होते. लष्कर-ए-तोयबा बऱ्याच काळापासून पहलगाम आणि इतर भागात सीमेपलीकडून दहशतवाद्यांना पाठवण्याचा प्रयत्न करत आहे. सुरक्षा दलांनी तातडीने कारवाई करत कारवाई सुरू केली. या चकमकीत ठार झालेल्या दहशतवाद्यांची ओळख आणि इतर तपशील अद्याप अधिकृतपणे पुष्टी झालेले नाहीत. अलिकडच्या काळातसुरक्षा दलांनी दहशतवादाविरुद्धची मोहीम तीव्र केली आहे. दोन दिवसांपूर्वीचऑपरेशन महादेव अंतर्गत, सुरक्षा दलांनी पहलगाम हल्ल्यातील मुख्य आरोपीला ठार मारले होते.
श्रीनगरच्या दाचीगाम जंगलाजवळ राबविण्यात आलेल्या दहशतवादविरोधी ऑपरेशन महादेव दरम्यानसुरक्षा दलांना परदेशी कटाचे ठोस पुरावे सापडले होते. पहलगाम हल्ल्याचा मास्टरमाइंड मुसा हा २ दिवसांपूर्वी सुरक्षा दलांनी मारला होता. सुरक्षाएजन्सींच्या म्हणण्यानुसारहाशिम मुसा याने पाकिस्तानी सैन्याच्या स्पेशल सर्व्हिस ग्रुपमध्ये पॅरा कमांडो म्हणून प्रशिक्षण घेतले होते. त्यानंतर तो लष्कर-ए-तोयबामध्ये सामील झाला आणि दहशतवादी कारवाया करू लागला. तो सप्टेंबर २०२३ मध्ये भारतात आला आणि पुन्हा दक्षिण काश्मीरमध्ये त्याच्या दहशतवादी कारवाया सुरू केल्या.
