उपमुख्यमंत्री एकनाथ शिंदे यांच्या संघटनात्मक नेतृत्वाचा सकारात्मक प्रभाव
महाराष्ट्र राज्यातील नगरपंचायत व नगरपरिषद निवडणुका – २०२५ या स्थानिक स्वराज्य संस्थांच्या राजकारणात एक महत्त्वाचा टप्पा ठरल्या आहेत. या निवडणुकांमधून जनतेने विकासाभिमुख, लोककेंद्रित आणि स्थिर नेतृत्वावर विश्वास व्यक्त केल्याचे स्पष्टपणे दिसून आले. विशेषतः उपमुख्यमंत्री तथा शिवसेनेचे मुख्य नेते एकनाथ शिंदे यांच्या सक्षम संघटनात्मक नेतृत्वाखाली शिवसेनेने राज्यभरात भरीव आणि दैदिप्यमान यश संपादन केले आहे.
एकनाथ शिंदे यांनी राज्याच्या राजकारणात नेतृत्वाची नवी दिशा दिली. “सत्तेपेक्षा सेवा महत्त्वाची” हा विचार केंद्रस्थानी ठेवून त्यांनी शिवसेनेची संघटना तळागाळापर्यंत मजबूत केली. स्थानिक स्वराज्य संस्थांच्या निवडणुकांमध्ये उमेदवारांची निवड, कार्यकर्त्यांचे मनोबल, स्थानिक प्रश्नांची जाण आणि विकासाचा स्पष्ट आराखडा या सर्व बाबींचा समतोल साधण्यात त्यांचे नेतृत्व निर्णायक ठरले.
या निवडणुकांमध्ये शिवसेनेला मिळालेले यश हे केवळ आकड्यांचे यश नसून जनतेच्या विश्वासाचे प्रतिबिंब आहे. नगरपंचायत व नगरपरिषद स्तरावर पाणीपुरवठा, रस्ते, स्वच्छता, आरोग्य, शिक्षण व नागरी सुविधा या मूलभूत प्रश्नांवर शिवसेनेने केलेल्या सातत्यपूर्ण कार्याची पोचपावती जनतेने दिली आहे. मुख्यमंत्री आणि उपमुख्यमंत्री म्हणून एकनाथ शिंदे यांनी घेतलेल्या निर्णयांचा थेट लाभ सामान्य नागरिकांपर्यंत पोहोचल्याची भावना या निकालांतून व्यक्त होते.
विशेष उल्लेखनीय बाब म्हणजे शिवसेनेच्या कार्यकर्त्यांमध्ये निर्माण झालेला आत्मविश्वास आणि संघटनात्मक शिस्त. प्रत्येक मतदारसंघात स्थानिक नेतृत्वाला महत्त्व देत, सर्वसामान्य कार्यकर्त्याला निर्णयप्रक्रियेत सहभागी करून घेण्याची भूमिका एकनाथ शिंदे यांनी कायम ठेवली. त्यामुळेच शिवसेना ही केवळ राजकीय पक्ष न राहता जनतेशी नाळ जोडलेली चळवळ ठरली आहे.
एकूणच, स्थानिक स्वराज्य संस्थांच्या निवडणुकांत मिळालेले दैदिप्यमान यश हे एकनाथ शिंदे यांच्या दूरदृष्टीपूर्ण नेतृत्वाचे, विकासाभिमुख धोरणांचे आणि जनतेशी असलेल्या विश्वासाच्या नात्याचे प्रतीक आहे. येणाऱ्या काळातही शिवसेना महाराष्ट्राच्या विकासाच्या वाटचालीत महत्त्वाची भूमिका बजावेल, असा विश्वास या निकालांनी अधिक दृढ केला आहे.
– दिनेश शिंदे, मिडिया समन्वयक, शिवसेना पक्ष
