भारत बनतोय जगातील तिसरं सर्वात मोठं डोमेस्टिक एव्हिएशन मार्केट
नवी मुंबई इंटरनॅशनल एअरपोर्टसोबत रणनीतिक भागीदारी, Digi Yatra, Dormakaba, Diamond Engineering, Waisl, Cognitec यांसारख्या आंतरराष्ट्रीय कंपन्यांचा सहभाग – ११-१२ जून २०२५ रोजी बॉम्बे एग्झिबिशन सेंटर, मुंबई येथे भव्य आयोजन
मुंबई : भारत सरकारच्या २०३० पर्यंत भारताला जागतिक विमान वाहतूक क्षेत्रात अग्रगण्य बनवण्याच्या दृष्टिकोनानुसार, इंटर पॅसेंजर टर्मिनल शो २०२५ (IPTS 2025) या प्रतिष्ठित प्रदर्शनाचे आयोजन मुंबईत होत आहे. नवी मुंबई आंतरराष्ट्रीय विमानतळ हा या शोचा अधिकृत एअरपोर्ट पार्टनर असेल. या कार्यक्रमामध्ये आधुनिक तंत्रज्ञान, आर्टिफिशियल इंटेलिजन्स, स्मार्ट टर्मिनल डिझाइन, आणि प्रवाशांच्या अनुभवात नाविन्य आणणाऱ्या उपाययोजना सादर केल्या जाणार आहेत. या कार्यक्रमात सहभागी होणाऱ्या प्रमुख कंपन्यांमध्ये Dormakaba, Digi Yatra Foundation, Diamond Engineering, Waisl, HHG Industries, Cognitech, Leonardo, Kimoha, आणि Inprocorp यांचा समावेश आहे. या शोच्या माध्यमातून भारतीय विमानतळांना जागतिक दर्जाचं व्यासपीठ मिळणार आहे.
विमानतळ क्षेत्रातील वेगाने होणारी प्रगती: २०२५ ते २०२७ या कालावधीत भारतात विमानतळ पायाभूत सुविधांमध्ये ६०,००० कोटी रुपयांहून अधिक गुंतवणूक होणार आहे. ICRA च्या माहितीनुसार, देशांतर्गत विमान वाहतूक ८-११% दरवर्षी वाढत असून, जानेवारी २०२५ मध्ये प्रवाशांची संख्या प्री-कोविड कालावधीच्या तुलनेत १७.९% ने वाढली आहे. या सर्व पार्श्वभूमीवर, अशा प्रकारचे व्यासपीठ अत्यावश्यक ठरत आहे. “IPTS 2025 ही भारतासाठी गेमचेंजर ठरणार आहे. यावर्षीच्या अर्थसंकल्पात भविष्यकालीन प्रवास सुविधा उभारण्यावर भर दिला गेला आहे. IPTS हे व्यासपीठ केवळ टेक्नॉलॉजीच नव्हे तर सहकार्य, ज्ञान-विनिमय आणि धोरणात्मक भागीदारी यांसाठी एकत्र येण्याची संधी आहे.”
ताहेर पत्रावाला, व्यवस्थापकीय संचालक मीडिया फ्युजनचे
“गेल्या १० वर्षांत भारताच्या विमान प्रवास क्षेत्रात ४०% पेक्षा जास्त वेगाने वाढ झाली आहे, जी आदरणीय पंतप्रधान श्री नरेंद्र मोदी यांच्या दूरदृष्टीचे प्रतिक आहे. UDAN योजनेमुळे प्रादेशिक जोडणीमध्ये क्रांती झाली आहे — १३०० पेक्षा जास्त मार्ग मंजूर झाले आहेत आणि ५१७ मार्ग कार्यरत झाले आहेत — ज्यामुळे देशातील अगदी दूरच्या भागांना ‘एक आकाश’ अंतर्गत जोडले गेले आहे. महाराष्ट्राचे माननीय मुख्यमंत्री श्री देवेंद्र फडणवीस यांच्या दूरदर्शी नेतृत्वामुळे महाराष्ट्र विमानतळ पायाभूत सुविधांचा आदर्श राज्य ठरले आहे. अमरावतीमध्ये एअर इंडिया द्वारे चालवलेले भारतातील सर्वात मोठे फ्लाइट ट्रेनिंग ऑर्गनायझेशन (FTO) याचेच उदाहरण आहे. ही वाढती कनेक्टिव्हिटी समुदायांना सक्षम करत आहे, पर्यटन वाढवते आहे, आणि समावेशक आर्थिक विकासास चालना देते आहे. आपण भविष्यकाळाच्या दृष्टीने तयार असलेल्या विमान प्रवास इकोसिस्टमचे बांधकाम करत असताना, IPTS 2025 सारख्या मंचाला पाठिंबा देणे आम्हाला अभिमानाचे वाटते.”
स्वाती पांडे, उपाध्यक्ष व व्यवस्थापकीय संचालक, महाराष्ट्र विमानतळ विकास महामंडळ
“भारताचे विमानतळ इकोसिस्टम सध्या एक जबरदस्त बदल अनुभवत आहे, जो नाविन्यपूर्ण तंत्रज्ञान, चांगली जोडणी आणि धोरणात्मक पॉलिसीमुळे शक्य झाले आहे. फक्त एका दशकात ऑपरेशनल विमानतळांची संख्या ७४ वरून जवळपास १६० झाली आहे, जे क्षेत्रातील मोठ्या संधी दर्शवते. २०२४ मध्ये देशांतर्गत प्रवासी वाहतुकीत ६% वाढ नोंदवली गेली आहे, ज्यामुळे भारत आता जागतिक हवाई प्रवास वाढीमध्ये चीनच्या नंतर दुसऱ्या क्रमांकावर आहे. Digi Yatra मध्ये आम्हाला अभिमान आहे की आम्ही या बदलत्या प्रवासाचा भाग आहोत, आणि Inter Passenger Terminal Show 2025 मध्ये आमच्या तंत्रज्ञानाचा आणि व्हिजनचा अनुभव सर्वांसमोर मांडायला आम्ही उत्सुक आहोत. जसे आपण तंत्रज्ञान आणि सहकार्य स्वीकारतो, तसेच भारताचा विमान प्रवास क्षेत्र अधिक शाश्वत, सहज आणि स्मार्ट अनुभव देणारा होईल.” भारत जसे विमानतळ महाशक्ती होण्याच्या दिशेने पुढे चालले आहे, तसे IPTS 2025 एक महत्त्वाचा मंच ठरणार आहे, जिथे नवकल्पना, इन्फ्रास्ट्रक्चर आणि उद्योगातील ज्ञान एकत्र येईल. रणनीतिक भागीदारी, भविष्याच्या दृष्टीने तयार केलेली तंत्रज्ञान, आणि देशाच्या वाढीच्या आकांक्षा यांसोबत IPTS 2025 भारतीय प्रवाशांचा अनुभव नव्याने परिभाषित करेल आणि भारताच्या विमान प्रवासाच्या कथेचा पुढील अध्याय लिहील.
सुरेश खडकभवी, Digi Yatra CEO
